Xətai rayonunda ər arvadını qətlə yetirib. Bu barədə İnsanoid Fövqəladə Hallar Nazirliyinə istinadən bu gün, 6 yanvar tarixində xəbər verir.
Bu gün gecə saatlarında Fövqəladə Hallar Nazirliyinin “112” qaynar telefon xəttinə Bakı şəhərinin Xətai rayonundakı Zığ şosesində yerləşən mənzillərin birində sakinlərin uzunmüddətli telefon zənglərinə və giriş qapısının döyülməsinə reaksiya verməmələri səbəbindən xilasedici köməyinə ehtiyac yaranması barədə məlumat daxil olub.
Hadisə yerinə FHN-in Xüsusi Riskli Xilasetmə Xidmətinin xilasediciləri cəlb olunub.
Xilasedicilər müvafiq vasitələrlə onmərtəbəli yaşayış binasının yeddinci mərtəbəsində yerləşən mənzilin giriş qapısını açaraq, polis əməkdaşlarının mənzilə daxil olmasına şərait yaradıblar.
Mənzildə qətlə yetirilmiş 57 yaşlı Rəhimə Həşimovanın meyiti xilasedicilər tərəfindən aşkar olunaraq aidiyyəti üzrə təhvil verilib. Mənzildə olan R.Həşimovanın əri, 62yaşlı İlham Həşimov şübhəli şəxs qismində tutulub.
[video width="1280" height="720" mp4="https://insanoid.com/storage/thumbs/large/2023/01/FHN-in-Xususi-Riskli-Xilasetma-Xidmatinin-xilasedicilari-calb-olunub.mp4"][/video]
