Daşkəsəndə atası tərəfindən meşədə güllələnən şəxs açıqlama verib. Bu barədə İnsanoid Qafqazinfo-ya istinadən bu gün, 15 dekabr tarixində xəbər verir.
Astaf kəndindəki meşədə Gədəbəy sakini Elfaq Abbasov atası tərəfindən ov tüfəngi ilə güllələnib.
Kürək nahiyəsindən aldığı güllə yarası ilə xəstəxanaya yerləşdirilən Elfaq Abbasov bildirib ki, hadisə ehtiyatsızlıqdan baş verib:
“Atamla mübahisəm düşməyib. Astaf kəndi meşəlik ərazidir. Orada mal saxlayırıq. Səs gəldi, elə bildik çaqqal, canavardır. Atam ov tüfəngi ilə atəş açanda təsadüfən mənə dəydi. Yəni ehtiyatsızlıqdan baş verib. İçkili də olmamışam”.
Daha öncə güllələnmə hadisəsi baş verdiyi haqda məlumat vermişdik.
