Azərbaycan azad olunmuş ərazilərində hindistanlı iş adamlarını görmək istəyir və onları dəvət edir. Report xəbər verib ki, bu barədə 26 mart tarixində ekologiya və təbii sərvətlər nazirinin müavini Firdovsi Əliyev Bakıda keçirilən “Best of India” sərgisinin açılışında bildirib.
Nazir müavini iki ölkə arasında əlaqələrin yüksək səviyyədə olduğunu, lakin onların daha da inkişaf edə biləcəyini vurğulayıb.
Qeyd edək ki, “Best of India” sərgisi martın 26-dan aprelin 3-dək Bakı İdman Sarayında keçiriləcək.
Dövlət Statistika Komitəsinin hesabatına əsasən, 2021-ci il ərzində Hindistan və Azərbaycan arasında ticarət dövriyyəsi 2020-ci ilə nisbətən 26,8% artaraq 739,1 milyon dollar təşkil edib.
