Hindistan Azərbaycan da daxil olmaqla dünyanın 30-a yaxın buğda idxal edən ölkəsinə Rusiya və Ukraynanı əvəz etmək üçün müraciət edib. Bu haqda martın 26-da Hindistan mətbuatına istinadən Report xəbər verib.
“Məqsədimiz yalnız cari böhran dövründə qısamüddətli razılaşmalar əldə etmək deyil, Rusiya və Ukrayna buğdasının üstünlük təşkil etdiyi bazarlarda keyfiyyətli buğdanın etibarlı uzunmüddətli tədarükçüsü olmaqdır”, - deyə Hindistan rəsmisi bildirib.
2021-ci ilin statistikasına əsasən, Hindistan buğda istehsalına görə dünyada ikinci yerdədir.
Qeyd edək ki, Azərbaycan buğda tələbatının 60%-nı təmin edə bilir. 2022-ci ilin yanvar ayında ölkəmiz 32,4 milyon dollar dəyərində buğda idxal edib ki, bu da 2021-ci ilin yanvar ayı ilə müqayisədə 5 dəfədən çoxdur.
