Azərbaycanda yaradılmış ilk aptekə aid dəyərli materiallar muzeyə təhvil verilib. Bu haqda martın 30-da Milli Azərbaycan Tarix Muzeyi məlumat paylaşıb.
Azərbaycanda ilk aptek 1850-ci ildə Salyan qəzasında, indiki Neftçala rayonunun Bankə qəsəbəsində, balıqçı gəmisində yaradılıb. XX əsrin əvvəllərində isə Bankə balıq vətəgəsinin binasına - indiki binaya köçürülüb.
Aptek üçün dərmanlar gəmilərlə Rusiyadan gətirilirdi. Bu dərmanlar nəinki yerli əhalinin, hətta regionda yerləşən qonşu kənd, qəsəbə və şəhərlərin də tibbi ehtiyacını ödəyirdi. Hətta Bakı, Gəncə və Lənkərandan da çətin tapılan dərmanlar üçün buraya üz tuturdular.
Binası qırmızı kərpicdən tikilən bu aptek əvvəllər olduğu kimi, bu gün də əhaliyə xidmət edir.
[URIS id=39492]
