2022-ci ilin yanvar-fevral aylarında Azərbaycan və Gürcüstan arasında ticarət dövriyyəsi 248,8 milyon dollar təşkil edib. Bu haqda Gürcüstanın Milli Statistika idarəsi məlumat paylaşıb.
Bu göstərici 2021-ci ilin müvafiq dövrü ilə müqayisədə 49% çoxdur.
Azərbaycanın Gürcüstana ixracı 55,5%, idxalı isə 39,1% artıb.
Sözügedən dövr ərzində Azərbaycanın əsas ixrac etdiyi məhsullar qaz, neft məhsulları, elektrik enerjisi, sement və polad məhsulları olub. Eyni zamanda, top-5 idxal edilən məhsullara yüngül avtomobillər, telefon aparatları, tütün məhsulları, kağız və parçadan olan tara, dərman daxil olub.
Qeyd edək ki, Azərbaycan Rusiya və Türkiyədən sonra, Gürcüstanın üçüncü əsas ticarət tərəfdaşıdır.
