Ölkədə genişzolaqlı internet 2024-cü ilə qədər tam şəkildə tətbiq olunacaq. Report-un xəbərinə görə, bunu martın 22-də rəqəmsal inkişaf və nəqliyyat nazirinin müavini Rövşən Rüstəmov bildirib.
“Məqsədimiz FTTH (Fiber to the Home) şəbəkələrindən istifadə edərək sabit genişzolaqlı internet abunəçilərinin faizini artırmaq və minimum 25 Mb/s. sürətli internetin tam əhatə dairəsinə nail olmaqdır”, - deyə qurumun başçısı deyib.
O qeyd edib ki, hazırda Azərbaycan əhalisinin təxminən 85%-i internetdən istifadə edir.
