2004-2021-ci illər ərzində, Azərbaycan iqtisadiyyatı 3,4 dəfə böyüyüb. Bu barədə 17 noyabr tarixində Report iqtisadiyyat nazirinin müavini Elnur Əliyevə istinadən bildirib.
Onun sözlərinə görə, sözügedən dövr ərzində sənaye istehsalı 3,7 dəfə, kənd təsərrüfatı istehsalı 2 dəfə, ixrac 9,2 dəfə, o cümlədən qeyri-neft ixracı 7,3 dəfə, valyuta ehtiyatları 33 dəfədən çox, xarici ticarət dövriyyəmiz isə 6,8 dəfə artıb.
“Bu ilin 10 ayında ölkənin xarici ticarət dövriyyəsinin dəyəri 46 milyard ABŞ dollarından artıq olub, 23 milyard ABŞ dollarından çox müsbət saldo formalaşıb”, - nazir müavini qeyd edib.
