2022-ci ildən Azərbaycana idxal edilən elektromobillərin sayı artır. Bu barədə noyabrın 16-da Avtosfer.az xəbər verir.
Bu ilin ilk 10 ayı ərzində ölkəmizə 368 ədəd elektromobil idxal olunub. İdxal edilən elektromobillərə ümumilikdə 12,746 milyon dollar xərclənib. Bir elektromobilin orta qiyməti 34 636 dollar olub.
Bu isə ötən ilin bütün dövrü ərzində idxalın sayından 2 dəfə çoxdur. Belə ki, 2021-ci ildə Azərbaycana 160 ədəd elektromobil gətirilib və bunun üçün 3,463 milyon dollar ödənilib.
Qeyd edək ki, Azərbaycanda elektrik mühərrikli avtomobillər üçün II və III səviyyə elektrik enerji doldurucuları idxal gömrük rüsumundan azad edilib.
