Azərbaycanda pensiya ilə bağlı sığorta stajının müddəti daha üç il uzadılıb. Bu barədə İnsanoid Prezidentin Mətbuat Xidmətinə istinadən bu gün, 29 dekabr tarixində xəbər verir.
Bu, Prezident İlham Əliyevin “Əmək pensiyaları haqqında” Qanuna dəyişikliyi imzalaması ilə mümkün olub.
Mövcud qanunvericilikdə pensiya yaşına çatan və 2006-2008-ci illər aralığında fərdi şəxsi hesabının sığorta hissəsində pensiya kapitalı olan şəxslərə (kapital məbləğindən asılı olmayaraq) pensiya təyin edilərkən 2006-cı il yanvarın 1-dək olan sığorta stajı 25 il, 2023-cü ildən etibarən isə hər təqvim ili üçün 1 il azaldılmaqla hesablanırdı.
Ancaq yeni dəyişikliklə sığorta stajının müddəti 3 il artırılaraq 2026-cı ilə qədər uzadılıb.
Dəyişiklik amnistiya xarakteri daşıyır və pensiyaçıların sosial müdafiəsinin gücləndirilməsinə xidmət edir.
Dəyişiklik 2023-cü ilin yanvarın 1-də qüvvəyə minəcək.
