Heydər Əliyev Beynəlxalq Aeroportu pilotsuz uçuş aparatlarının (PUA) aerodrom ərazisi üzərində PUA-nın icazəsiz uçuşlarının qarşısını alan kompleks sistem tətbiq ediləcək. Bu barədə martın 30-da AZAL-dan məlumat verilib.
PUA-ların uçuşu reysin gecikdirilməsinə, uçuşun təxirə salınmasına səbəb ola bilər, dronlarla toqquşma və ya onların təyyarənin mühərrikinə düşməsi isə hava gəmisinin zədələnməsi ilə nəticələnə bilər.
Sistemin iş prinsipi hava limanları yaxınlığında dronların aşkar edilməsindən və onların idarə olunmasına müdaxilə etməklə uçuş yerinə qayıtmasına məcbur etməkdən ibarətdir.
Azərbaycan qanunvericiliyində PUA-larının idxalına və istismarına xüsusi icazənin alınmasının nəzərdə tutulmasına baxmayaraq, hava limanları yaxınlığında xüsusi təhlükə yaradan dronların icazəsiz istifadəsi ilə bağlı hallar hələ də mövcuddur.
