Bakının Suraxanı rayonunda polisə müqavimət göstərən sürücü və sərnişin tutulub. Onların narkotik vasitələrin təsiri altında olduqları məlum olub. Bu haqda 28 mart tarixində Daxili İşlər Nazirliyi məlumat yayıb.
Belə ki, Hövsan qəsəbəsində vətəndaş Şəmistan Mirişlinin idarə etdiyi avtomobil manevr qaydalarını pozduğu üçün ona “Saxla” işarəsi verilib. Buna rəğmən o, hərəkətini davam etdirib.
Yol polislərinin gördüyü tədbir nəticəsində sürücü saxlanılıb. Daha sonra o, və yanında olan sərnişin əməkdaşlara müqavimət göstərərək hadisə yerindən yayınmağa çalışıblar. Hər iki şəxs polis şöbəsinə gətirilib.
Araşdırma zamanı həmçinin Ş. Mirişlinin sürücülük hüququ olmadığı ortaya çıxıb. Vətəndaşlar barəsində inzibati protokol tərtib olunub və məhkəməyə göndərilib.
