Bakıda tanışını armaturla döyən Coşqun Novruzova hökm oxunub. O, 6 il azadlıqdan məhrum edilib. Bu haqda martın 24-də Report məlumat yayıb.
Proses Bakı Ağır Cinayətlər Məhkəməsində baş tutub. Təqsirləndirilən şəxs məhkəmə zalında həbs edilib.
İnsident 2020-ci ilin noyabrında paytaxtın Sabunçu rayonu Bilgəh qəsəbəsində baş verib. Vətəndaş tanışını aralarında yaranan mübahisə zamanı döyərək ona xəsarət yetirib. Yaralı xəstəxanaya çatdırılıb. Ona sol təpə gicgah sümüyünün kəllə əsasına keçən xətti sınığı ilə müşayiət olunan başın küt travması diaqnozu qoyulub.
C.Novruzov “qəsdən sağlamlığa ağır zərər vurma” və “xuliqanlıq” maddələrilə ittiham edilib.
