Ağstafada baş verən yol qəzasında ölənlərin sayı 3-ə çatıb. Xəsarət alan 1966-cı il təvəllüdlü qadın xəstəxanada dünyasını dəyişib.
Diaqnostika Mərkəzində daha bir nəfər yaralının müalicəsi isə davam etdirilir.
Qəza Bakı-Qazax magistral yolunun rayonun Köçəsgər kəndindən keçən hissəsində qeydə alınıb. Mikroavtobus yük maşını ilə toqquşub və nəticədə iki nəfər hadisə yerində ölüb.
***
13:52
Bakı-Qazax avtomobil yolunda bir nəfərin həyatına son qoyan qəza baş verib. Bu haqda martın 29-da Report məlumat yayıb.
Bildirilib ki, həmçinin bir neçə nəfər yaralanıb.
Hadisə yerinə Təcili Tibbi Yardım maşınları və Dövlət Yol Polisi əməkdaşları cəlb edilib. Faktla bağlı araşdırmalara başlanılıb.
Yanvarın 1-dən fevralın 1-dək ölkədə 53 yol-nəqliyyat hadisəsi baş verib. Həlak olanların sayı 60, xəsarət alanların sayı isə 33 təşkil edib.
