Tanışını qətlə yetirməkdə təqsirləndirilən şəxsin cinayət işi baxılması üçün Bakı Ağır Cinayətlər Məhkəməsinə göndərilib. Bu haqda martın 30-da Report xəbər verib.
Məhkəmənin baş tutacağı tarix hələ müəyyən edilməyib.
İnsident 2021-ci ilin noyabr ayında paytaxtın Sabunçu rayonu Zabrat qəsəbəsində baş verib. 58 yaşlı şəxs şəxsi münasibətlər zəminində mübahisə zamanı 60 yaşlı tanışını yumruqla vurub. Daha sonra sonuncu zərbənin təsirindən yerə yıxılıb, başı isə asfalt örtüyünə dəyib. Xəsarət alan xəstəxanaya yerləşdirilib, lakin orada dünyasını dəyişib.
Faktla bağlı “qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsilə cinayət işi başlanılıb.
