Ələt-Astara-İran sərhədi avtomobil yolunun Salyan rayonundan keçən hissəsində ölümlə nəticələnən yol-nəqliyyat hadisəsi baş verib. Bu barədə İnsanoid Oxu.az-a istinadən bu gün, 9 yanvar tarixində xəbər verir.
Baş Dövlət Yol Polisi İdarəsinin İctimaiyyətlə Əlaqələr Şöbəsinin rəisi, polis mayoru Rövşən Tağıyev bildirib ki, hadisə Salyan rayonunun 68-ci kilometrliyində baş verib:
“Belə ki, Masallı rayon sakini Məcidov Araz Arif oğlunun idarə etdiyi “KamAZ” markalı 44-CG-110 dövlət nömrə nişanlı yük avtomobili eyni istiqamətdə hərəkətdə olan Lənkəran rayon sakini Ağamalıyev Elman Rəhim oğlunun idarə etdiyi 44-CA-948 dövlət qeydiyyat nömrəli yük maşınının 44-ZA-520 dövlət nömrə nişanlı qoşqusu ilə toqquşub.
Nəticədə “KamAZ” markalı yük avtomobilinin sürücüsü A.Məcidov və onun sərnişini, Masallı rayon sakini Kiçibəyov Rahib Elbəyi oğlu hadisə yerində ölüblər. Faktla bağlı araşdırma aparılır”.
