Xəzər, Suraxanı, Sabunçu, Binəqədi və Abşeron rayonlarında 50 evdən oğurluq edən şəxs saxlanılıb. Bu barədə 10 noyabr tarixində Daxili İşlər Nazirliyi İnsanoid-ə məlumat verib.
Həmin şəxs oğurluq etdiyi evlərin birindən çıxan zaman şəxsiyyət vəsiqəsini də mənzildə yerə salıb.
Əməliyyat zamanı əvvəllər də mənzil oğurluqları etdiyi üçün dəfələrlə məhkum edilmiş Əhliman Atamov saxlanılıb. Bu şəxsin Xəzər rayonu ərazisində 10 evdən pul və qızıl-zinət əşyaları oğurladığı məlum olub. Saxlanılan şəxs əldə etdiyi qızıl-zinət və məişət əşyalarını paytaxt ərazisindəki ticarət mərkəzlərindən birində satıb.
Saxlanılan şəxsin Binəqədi, Suraxanı, Sabunçu və Abşeron rayonları ərazisində də daha 40 evdən oğurluq etdiyi müəyyən edilib. O, həmin evlərdən də ancaq pul və qızıl-zinət əşyaları oğurlayıb.
Faktlarla bağlı araşdırmalar davam etdirilir.
