24-25 noyabr 2022-ci il tarixində Bakıda ənənəvi VI Beynəlxalq Bankçılıq Forumu keçiriləcək. Bu barədə 18 noyabr tarixində APA məlumat verib.
Forumda aidiyyətli dövlət qurumları, kommersiya bankları, yerli və xarici biznes və ictimai təşkilatların rəhbərləri, beynəlxalq maliyyə institutları, həmçinin Türkiyə, Amerika Birləşmiş Ştatları, Avropa Birliyi, Müstəqil Dövlətlər Birliyi, Yaxın Şərq və digər ölkələrdən 200-ə yaxın beynəlxalq təşkilatın və şirkətin nümayəndələrinin iştirakı nəzərdə tutulur.
Qeyd olunub ki, bu Forum Bakıda hər il təşkil edilən iki beynəlxalq tədbirdən biri olmaqla regionun ən nüfuzlu maliyyə-bank tədbiridir. Digər tədbir isə illik əsasda keçirilən “Fintex Sammit”dir.
