Bakıda 24 il əvvəl qətl törətməkdə təqsirləndirilən Elnur Abbasov 13 il müddətinə azadlıqdan məhrum edilib. Bu barədə noyabrın 16-da Report xəbər yayıb.
Hökm Bakı Ağır Cinayətlər Məhkəməsində elan edilib.
Hadisə 1998-ci il aprelin 26-da Bakı Balıq hisləmə zavodunda qeydə alınıb. Burada mühafizəçi işləmiş E.Abbasov usta kimi çalışmış Mübariz Rəsulovla mübahisə edib.
Nəticədə o, zərərçəkmişə çoxsaylı bıçaq zərbələri yetirərək xüsusi amansızlıqla öldürüb. Cinayətkar törətdiyi qətlin izlərini gizlətmək məqsədilə hadisə yerini təmizləyərək meyiti sexdəki soyuducuya qoyub.
Sözügedən şəxsin ölkə ərazisini tərk etməsi səbəbindən cinayət məsuliyyətinə cəlb olunması mümkün olmayıb. O, 2022-ci il iyulun 1-də tutulub.
