Bərdədə fərdi yaşayış evindən qızıl-zinət əşyaları və nağd pul oğurlamaqda şübhəli bilinən şəxs saxlanılıb. Bu barədə İnsanoid DİN-ə istinadən bu gün, 5 yanvar tarixində xəbər verir.
Rayonun Çəmənli kəndində yerləşən fərdi yaşayış evindən 3960 manat dəyərində qızıl-zinət əşyaları və 1000 manat nağd pul oğurlamaqda şübhəli bilinən Ağdam rayon sakini, əvvəllər məhkum edilmiş Zahid Sədiyev saxlanılıb.
Z.Sədiyev dindirilərkən ələ keçirdiyi məbləği Bakı şəhərində öz əyləncəsinə xərclədiyini etiraf edib.
Onun barəsində Bərdə RPŞ-də cinayət işi başlanıb və məhkəmənin qərarı ilə həbs qətimkan tədbiri seçilib.
Faktla bağlı araşdırmalar davam etdirilir.
