Novruz bayramı günlərində Bakı-Şuşa-Bakı istiqamətində avtobus reysləri hər gün təşkil olunacaq. Bu barədə martın 19-da APA Rəqəmsal İnkişaf və Nəqliyyat Nazirliyi yanında Dövlət Avtomobil Nəqliyyatı Xidmətinə istinadən xəbər verib.
Buna səbəb tələbatın yüksək olmasıdır. Biletləri “Yolumuz Qarabağa” portalı vasitəsilə onlayn qaydada almaq olar.
Şuşa və Ağdama ilk müntəzəm avtobus marşrutları yanvarın 24-də istifadəyə verilib. Bu günə qədər 71 reys həyata keçirilib, 3 196 sərnişin müvafiq istiqamətlər üzrə səfər edib.
