Bayram və tətil günlərində ölkə ərazisinin meşə fondu torpaqlarının 15 hektar sahəsində 25 000 ağac əkilib, 1 ton toxum səpilib. Bu barədə 5 yanvar tarixində APA məlumat verib.
Meşələrin İnkişafı Xidmətinin rəsmisi bildirib ki, meşəbərpa tədbirləri Siyəzən, Sabirabad və Masallı rayonlarının meşə fondu torpaqlarının açıq və seyrək sahələrində aparılıb və ümumilikdə 8 hektar sahədə 6 500 ədəd müxtəlif növ ağac tingi əkilib, 500 kiloqramdan çox toxum səpilib.
Nümayəndə qeyd edib ki, meşə fondu torpaqlarında meşəbərpa tədbirləri davam edir və hər bölgənin iqlim şəraitinə uyğun Meşə Təsərrüfatı Mərkəzlərinin tinglik sahələrində yetişdirilən müxtəlif növ ağac tingləri əkilir, toxumlar səpilir.
