Bayram günlərində milli parkları 5 mindən çox turist ziyarət edib. Bu barədə 5 yanvar tarixində APA məlumat verib.
Bioloji Müxtəlifliyin Qorunması Xidmətinin rəisi bildirib ki, bu günlərdə Azərbaycanın milli parklarına 5 011 turist səfər edib və ən çox turist qəbul edən milli parklarımız Göygöl, Abşeron və Ağgöl olub: “Ölkəmizdə 10 milli park, 10 dövlət təbiət qoruğu və 24 dövlət təbiət yasaqlığı var. Milli parklarımız Abşeron yarımadasında, ölkənin şimal, cənub və qərb hissəsində yerləşməklə rəngarəng landşaft komplekslərini əhatə edir”.
Qeyd edək ki, bayram günlərində milli parklarda “açıq qapı” günləri elan edilib və giriş ödənişsiz olub.
