Biləsuvarda çantasında 16 kiloqrama yaxın narkotik aşkarlanan şəxs saxlanılıb. Bu barədə martın 25-də Daxili İşlər Nazirliyindən məlumat verilib.
Narkotiklərin qanunsuz dövriyyəsində şübhəli bilinən Abşeronun Qobu qəsəbəsinin sakini Şahin Nəzərli saxlanılıb. Ona məxsus idman çantasından ayrı-ayrı bağlamalarda 14 kiloqram 335 qram heroin, 1 kiloqram 115 qram tiryək və 410 qram marixuana aşkarlanaraq götürülüb.
Ş.Nəzərlinin narkokuryerliyə xarici vətəndaş tərəfindən cəlb edildiyi məlum olub. Faktla bağlı araşdırma aparılır.
Qeyd olunub ki, son bir ayda Biləsuvar polisləri tərəfindən narkotiklərin qanunsuz dövriyyəsi ilə əlaqəli 14 fakt aşkarlanıb. Nəticədə 40 kiloqrama yaxın narkotik vasitə və psixotrop maddə qanunsuz dövriyyədən çıxarılıb.
