Biləsuvar rayonunda respublika çempionu idman zalında məşq edərkən qəfildən vəfat edib. Bu barədə martın 22-də Report məlumat yayıb.
İddia edilir ki, 1973-cü il təvəllüdlü Azər Əhmədov ürəktutmadan dünyasını dəyişib.
Mərhum gənc yaşlarından karate idman növü ilə məşğul idi. O, bir neçə dəfə respublika çempionluğunu əldə edib. İdmançı İranda və Ukraynada keçirilən beynəlxalq yarışlarda kubok qaliblərindən olub. Birinci Qarabağ müharibəsi veteranı olan A. Əhmədov məşqçi-müəllim kimi çalışıb.
Faktla bağlı araşdırma aparılır.
