Londonda yaşayan Azərbaycan icmasının Novruz bayramı qeyd olunub. Bu haqda 22 mart tarixində Diasporla İş üzrə Dövlət Komitəsi məlumat yayıb.
Şənlik Britaniya Azərbaycanlıları Cəmiyyətinin və azərbaycanlı gənclərin təşkilatçılığı ilə baş tutub. Qonaqlar arasında Azərbaycanın Birləşmiş Krallıqdakı səfiri Elin Süleymanov, Lordlar Palatasının üzvü Lord Devid Evans, Enfild bölgəsinin meri Sabri Özaydın və digərləri yer alıb.
“Qarabağ uşaqları” uşaq xorunun milli geyimli ifaçıları bayrama həsr olunmuş musiqi kompozisiyası ilə tədbiri davam etdiriblər. Musiqi gecəsi Rasim Fərziyevin rəhbərlik etdiyi ansamblın çıxışı ilə yekunlaşıb.
Bundan başqa, Almaniyanın Hannover şəhərində də anoloji tədbir təşkil edilib. Novruz bayramının qəhrəmanları Bahar qızı və Kosanın qatıldığı şənlikdə tariximizə dair viktorina keçirilib, uşaqlara bayram hədiyyəsi verilib.
[URIS id=38265]
