Azərbaycanın aşağı büdcəli aviaşirkəti “Buta Airways” iyunun 1-dən Bakıdan Batumiyə birbaşa uçuşlar təşkil edəcək. Bu haqda məlumat aviaşirkətin Facebook səhifəsində paylaşılıb.
Bakı-Batumi-Bakı marşrutu üzrə reyslər cümə və bazar günləri baş tutacaq. Qiyməti 29 avrodan başlayan aviabiletləri Buta Airways-in saytından və yaxud akkreditə olunmuş agentliklərindən əldə etmək mümkündür.
Pandemiya dövründə sözügedən ölkəyə giriş qaydaları ilə buradan tanış olmaq olar. Qeyd edək ki, Gürcüstandan Azərbaycana geri qayıtmaq üçün COVİD-19 testini vermək lazımdır. Testin nəticəsi 72 saat keçərli olur.
