Cəbrayılda narkotik vasitələrlə 4 nəfər saxlanılıb. Bu barədə martın 29-da APA məlumat verib.
Bakının 2 sakini, Şirvan şəhər sakini və Mingəçevir şəhər sakini Karxulu kəndində tutulublar. Onlardan ümumilikdə 17 kiloqram marixuana, 2 kiloqramdan çox heroin, 1 700 ədəd metadon və 1,3 qram metamfetamin aşkarlanıb. Həmçinin saxlanılan şəxslərdən 1 ədəd “TT” markalı tapança və 8 patron götürülüb.
Bununla yanaşı, Bakı şəhər sakininin borclu qismində axtarışda olduğu məlum olub.
Cinayət işi başlanılıb.
