Ötən il Cəlilabadda həmyerlisini öldürən şəxsin cinayət işinin ibtidai istintaqı tamamlanıb. Bu barədə martın 28-də Baş Prokurorluq məlumat yayıb.
Hadisə 2021-ci ilin dekabrın 4-də rayonun Sabirabad kəndində baş verib. Belə ki, 46 yaşlı Akif Heydərov 23 yaşlı həmkəndlisini bıçaqlayıb. Aldığı xəsarətlərdən sonuncu xəstəxanada ölüb.
Akif Heydərova Cinayət Məcəlləsinin “qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda” maddəsilə ittiham elan edilib və barəsində həbs qətimkan tədbiri seçilib.
Cinayət işi baxılması üçün aidiyyəti üzrə Lənkəran Ağır Cinayətlər Məhkəməsinə göndərilib.
