Cari ilin ilk iki ayı ərzində Bakıda ticarət dövriyyəsinin həcmi 2021-ci illə müqayisədə 5,5% artaraq 3,9 milyard manatdan çox təşkil edib. Bu barədə 30 mart tarixində Bakı Şəhər Statistika İdarəsi məlumat verib.
Məlumata əsasən, paytaxt əhalisi ticarət şəbəkəsində satılmış ərzaq məhsulları, içkilər və tütün məmulatlarına 2 milyard manatdan çox, qeyri-ərzaq məhsullarına 1,9 milyard manatdan çox pul xərcləyib.
Ümumilikdə məhsulların 36,8%-i hüquqi şəxs statuslu müəssisələrdə, 41,8%-i fərdi sahibkarlara məxsus ticarət obyektlərində, 21,4%-i isə paytaxtın məhsul bazarlarında satılıb.
