"Azərbaycanın daxilində yaşayan vətəndaşlarımızdan 3-4 dəfə çox soydaşımız kənarda yaşayır". Bunu deputat Sabir Rüstəmxanlı bu gün keçirilən Milli Məclisin plenar iclasında deyib.
Bu barədə 9 dekabr tarixində Report məlumat verib.
O bildirib ki, onların yaşadığı ölkələrlə müqaisədə əlifba dəyişikliyi fərqi və digər problemlər var: "Soydaşlarımızın yaşadığı bütün yerlərdə məktəb açmaq mümkün deyil. Bunun müasir həll yollarından biri də budur ki, Azərbaycanda televiziya kanallarından biri səhərdən axşama qədər Azərbaycan tarixi, dili və ədəbiyyatı ilə bağlı yayımlar həyata keçirsin və bu kanal peyk vasitəsilə bütün dünyaya yayımlansın.
Bu kanalı tədricən dünyanın hər yerində izləyəcəklər və bu kanal qlobal Azərbaycan məktəbi olacaq", - deyə Sabir Rüstəmxanlı əlavə edib.
