Daxili İşlər Nazirliyi (DİN)dumanlı hava şəraiti ilə bağlı sürücülərə müraciət edib.Bu barədə İnsanoid qurumun mətbuat xidmətinə istinadən bu gün, 17 dekabr tarixində xəbər verir.
Daxili İşlər Nazirliyinin mətbuat xidmətindən bildirilib ki, Bakıda və Abşeron yarımadasında görünüş məsafəsinin 200-600 metrədək məhdudlaşması ilə bağlı sürücülər dumanlı havanı nəzərə almalı, nəqliyyat vasitələrini diqqətli idarə etməlidirlər:
“Sürücülərdən sürət həddini hava şəraitinə uyğun nizamlamaları, avtomobillərinin xarici işıq cihazlarının sazlığına əmin olmaları, dayanma, durma, parklanma, eləcə də ötmə və manevr zamanı təhlükəsizlik qaydalarına ciddi əməl etmələri xahiş olunur”.
Milli Hidrometeorologiya Xidməti dekabrın 19-dək hava şəraitinin dumanlı olacağı ilə bağlı məlumat yayıb.
