Zəfər Günü və Dövlət Bayrağı Günü ilə əlaqədar qeyri-iş günləri ərzində Azərbaycanda 67 yanğın baş verib. Bu barədə noyabrın 10-da Fövqəladə Hallar Nazirliyindən məlumat verilib.
17 halda köməksiz vəziyyətdə qalma, 1 partlayış və 3 yol qəzası faktı üzrə əməliyyatlar həyata keçirilib.
Görülmüş tədbirlər nəticəsində yanğınlar söndürülüb. Ümumilikdə FHN-in qüvvələri tərəfindən 7-si azyaşlı olmaqla 28 nəfər xilas edilib. 5 nəfər xəsarət alıb, 1 nəfər təxliyə edilib, 3 nəfərin meyiti isə aidiyyəti üzrə təhvil verilib.
