"Nvidia"nın baş direktoru Censen Huanq (Jensen Huang) şirkətin əməkdaşlarına ünvanladığı məktubda həyat yoldaşına xəyanət etdiyini etiraf edib.
İnsanoid.com xarici KİV-ə istinadən xəbər verir ki, o, ailəsindən və həmkarlarından üzr istəyib. Məktubda münasibətdə olduğu şəxsin adını açıqlamayıb.
ABŞ rəsmiləri Huanqın "Nvidia"dan çip alan Sinqapurun "Megaspeed" şirkətinin keçmiş rəhbərlərindən biri olan Elis Huanqla romantik münasibətdə olduğunu düşünürlər. Nəşr yazır ki, ABŞ kəşfiyyatı Elis Huanqın Çin xüsusi xidmət orqanları tərəfindən cəlb edildiyi qənaətinə gəlib. Pekin ondan Censen Huanqı izləmək üçün istifadə etdiyi barədə iddianı rədd edib.
"Nvidia"nın direktorlar şurası Censen Huanqın xarici kəşfiyyatın hədəfi olması barədə iddialarla bağlı müstəqil araşdırmaya başlayıb. Şura bildirib ki, hazırda şirkətin məxfi məlumatlarının sızdığını və ya ABŞ-ın milli təhlükəsizliyinə zərər dəydiyini düşünmək üçün əsas yoxdur. Huanq araşdırmaya yardım edəcəyini bildirib. Şirkətin məlumatına görə, o, baş direktor vəzifəsində fəaliyyətini davam etdirmək niyyətindədir.
