Fövqəladə hallar nazirinin müavini general-leytenant Etibar Mirzəyev Bakıda çoxmərtəbəli yaşayış binasında partlayış baş verdiyi əraziyə gəlib. Bu barədə 2 yanvar tarixində Report xəbər verib.
Qeyd edək ki, Bakı şəhəri, Binəqədi rayonu, Cavadxan küçəsində yerləşən çoxmərtəbəli yaşayış binasında partlayış baş verib. İlkin məlumata əsasən, 18 mərtəbəli yaşayış binasının sonuncu mərtəbəsində yerləşən mənzildə məişət qazının sızması nəticəsində yanğınla müşahidə olunmayan partlayış baş verib.
İlkin məlumata əsasən, 1 nəfər ölüb, 2 nəfər xəsarət alıb, mənzilə isə ciddi ziyan dəyib. Dünyasını dəyişən şəxsin polis olduğu bildirilir.
