Futzal üzrə Azərbaycan yığmasının yer aldığı V qrupun oyunları Bosniya və Herseqovinada keçiriləcək. Bu barədə İnsanoid 26 noyabr tarixində xəbər verir.
Yığmamız 19 yaşadək futzalçılardan ibarət milli komandalar arasında təşkil olunacaq Avropa çempionatının əsas mərhələsində iştirak edəcək.
Federasiyadan verilən məlumata görə, Ağatahir Əzimovun başçılıq etdiyi kollektiv növbəti mərhələyə yüksəlmək üçün meydan sahibləri ilə yanaşı, Fransa və Yunanıstandan olan həmyaşıdları ilə mübarizə aparacaq.
Bu mərhələnin oyunları 2023-cü il martın 21-dən 26-dək baş tutacaq.
Yalnız qrup qalibləri final mərhələsinə yüksələcəklər. Həlledici mərhələ isə həmin ilin sentyabrında Xorvatiyada təşkil olunacaq.
