Gəncədə bir nəfər Gəncə şəhər İcra Hakimiyyətinin inzibati binasının qarşısında özünə xəsarət yetirib. Bu barədə Apa 29 noyabr tarixində məlumat verib.
Noyabrın 29-da bir qrup şəxsin Gəncə şəhər İcra Hakimiyyətinin inzibati binasının qarşısında toplaşması ilə bağlı Gəncə şəhər Baş Polis İdarəsinin əməkdaşları hadisə yerinə gələrək həmin şəxslərlə profilaktiki söhbət aparıblar. Onlara İcra Hakimiyyəti rəhbərliyinin qəbul qaydaları xatırladılıb.
DİN-in mətbuat xidmətinin Gəncə regional qrupunun baş inspektoru, polis kapitanı Eşqin Qasımovun sözlərinə görə, həmin şəxslər polislə hər hansı bir mübahisə və ya münaqişə yaşamadan ərazini tərk etməyə başlayıblar:
"Əraziyə gələn vətəndaşlardan biri üzərində gətirdiyi kəsici alətlə qolunu kəsərək özünə xəsarət yetirən zaman polis əməkdaşları ona dərhal ilkin tibbi yardım göstərərək xəstəxanaya yola salıblar".
