Gəncədə kişi keçmiş həyat yoldaşını, daha sonra isə onları ayırmaq istəyən şəxsi bıçaqlayıb. Bu barədə 24 dekabr tarixində Report məlumat verib.
Belə ki, şəhər sakinləri - 1967-ci il təvəllüdlü Rəsmiyyə Bəndəliyevanın sol qolunun və diz nahiyəsinin kəsilmiş yarası və 1962-ci il təvəllüdlü Məhəmməd Musayevin sol çiyin nahiyəsinin kəsilmiş yarası alaraq xəstəxanaya yerləşdirilmələri barədə Polis İdarəsinə məlumat daxil olub.
Şübhəli bilinən R.Bəndəliyevanın keçmiş həyat yoldaşı, 1966-cı il təvəllüdlü German Qocayev saxlanılıb.
İlkin araşdırmalar zamanı məlum olub ki, G.Qocayev şəxsi münasibətlər zəminində R.Bəndəliyeva ilə mübahisə zamanı sonuncuya bıçaqla xəsarət yetirib, daha sonra onları ayırmaq istəyən M.Musayevi yaralayıb.
Şübhəli şəxs saxlanılaraq istintaqa təqdim edilib.
Faktla bağlı araşdırmalar aparılır.
