Goranboy rayonunda mağazalardan oğurluq edilib. Bu barədə Report 16 dekabr tarixində məlumat verib.
Rayon ərazisində olan mağazaların birindən 80 manat pul, 366 manat dəyərində danışıq kartları və alışqanlar oğurlanıb.
Goranboy rayon Polis Şöbəsinin əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Yevlax rayon sakinləri - R.Bəkirov və M.Bukavadze saxlanılıblar.
R.Bəkirov digər mağazadan da pul və 923 manat dəyərində tütün məmulatı oğurlamaqda şübhəli bilinir.
Onların hər ikisi barəsində cinayət işi açılıb, araşdırma aparılır.
