Goranboyda minik maşınının işıq dirəyinə çarpılması nəticəsində xəsarət alan qadın müalicə aldığı xəstəxanda ölüb. Bu barədə 4 yanvar tarixində APA məlumat verib.
Dünyasını dəyişən qadın 63 yaşlı Səkinə İsgəndərovadır. Qadın bu gecə xəstəxanada ölüb.
Qeyd edək ki, qəza yanvarın 1-də Bakı-Qazax magistral yolunun rayon ərazisindən keçən hissəsində qeydə alınıb. Hərəkətdə olan "VAZ-2106" markalı minik maşını idarəetmədən çıxaraq yol kənarındakı işıq dirəyinə çarpılıb. Nəticədə 5 nəfər xəsarət alıb.
Faktla bağlı araşdırma aparılır.
