Hacıqabulda bir nəfərin ölümü, bir nəfərin isə yaralanması ilə nəticələnən yol qəzası baş verib. Bu barədə Report 12 dekabr tarixində məlumat verib.
Bakı-Qazax magistral yolunun rayonun Pirsaat qəsəbəsi ərazisindən keçən hissəsində minik avtomobili qarşıda gedən “KAMAZ” markalı yük maşınının arxa hissəsinə çarpılıb.
Qəza nəticəsində Hacıqabul sakini, 50 yaşlı Ağabəy Abuzərli hadisə yerində ölüb. Hacıqabul rayon sakini, 1961-ci il təvəllüdlü Əsgərov Bəxtiyar Əsgər oğlu müxtəlif dərəcəli xəsarətlər alıb. O, Şirvan Şəhər Mərkəzi Xəstəxanasına yerləşdirilib.
A. Abuzərli 29 il DYP-nin Hacıqabul rayonundakı Nəvahi postunda mülki şəxs kimi çalışıb.
Faktla bağlı araşdırma aparılır.
