Bir çox hallarda xarici universitetin Azərbaycanda tanınmasına baxmayaraq, diplom təhsil formasına görə tanınmır. Bu barədə martın 29-da Trend təhsil eksperti Kamran Əsədova istinadən məlumat verib.
Tələbə ixtisas seçimi edərkən onun tədris formasına diqqət yetirməlidir. Əgər tələbə xaricdə qiyabi və əyani-qiyabi təhsil alırsa, amma həmin ixtisas Azərbaycanda yalnız əyani əsaslarla təşkil olunursa, bu zaman diplom tanınmır.
Qiyabi təhsil alanlar həmin ölkənin ərazisində minimum 15 gün, əyani təhsil alanlar isə 90 gün ərzində qalmalıdırlar.
Tələbənin xaricdəki magistr təhsili bakalavr ixtisasına uyğun olmalıdır. Diplom tanınması haqda veriləcək şəhadətnamədə qeyd olunur ki, xaricdə aldığı təhsil Azərbaycanda tədris olunan hansı ixtisasa bərabərdir.
