"Amazon"un qurucusu və rəhbəri Cef Bezos və ABŞ-nin "Space X" şirkətinin rəhbəri İlon Mask (Elon Musk) 2-6 oktyabr 2023-cü ildə ölkəmizdə baş tutacaq Beynəlxalq Astronavtika Konqresində iştirak edə bilərlər. Bu barədə 6 dekabr tarixində APA "Azərkosmos"un İdarə Heyətinin sədri Saməddin Əsədova istinadən məlumat verib.
O bildirib ki, “Qlobal çağırışlar və imkanlar: kosmosa şans verək” mövzusunda Bakıda keçiriləcək konqresdə kosmik sahənin aparıcı qurumlarından – ABŞ-nin (NASA), Fransanın (CNES), Yaponiyanın (JAXA), Türkiyənin (TUA) və bir çox digər dövlətlərin nümayəndələri də olmaqla 6 mindən çox qonaq bir araya gələcək.
“Bu qonaqlar dünyanın kosmos gündəliyini müəyyən edən qurumların rəhbərləridir, nümayəndələridir, eyni zamanda elm xadimləri və tələbələrdir”, - deyə sədr bildirib.
