İran-Azərbaycan dövlət sərhədini pozmağa cəhd göstərən 2 nəfər tutulub. Bu barədə İnsanoid Dövlət Sərhəd Xidmətinin Mətbuat Mərkəzinə istinadən bu gün, 11 yanvar tarixində xəbər verir.
Yanvar ayının 11-də saat 04:50-də Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin Füzuli rayonunun Böyük Bəhmənli kəndi yaxınlığında yerləşən sərhəd zastavasının xidməti ərazisində Azərbaycandan İran istiqamətində dövlət sərhədini pozmağa cəhd göstərən 2 nəfər Azərbaycan vətəndaşı saxlanılıb.
Araşdırma zamanı saxlanılan şəxslərin Bərdə rayon sakinləri, 20 yaşlı Elməddin Cəfərov və 18 yaşlı Seyfəl Süleymanov olmaları müəyyən edilib.
İlkin dindirilmə zamanı hər iki şəxs İrandan narkotik vasitə gətirmək məqsədilə dövlət sərhədini pozmaq niyyətində olduqlarını etiraf ediblər.
Fakt üzrə əməliyyat-istintaq tədbiri davam etdirilir.
