Kür çayının aşağı axınında suyun səviyyəsi təxminən 40 santimetr artıb. Bu barədə Report martın 19-da yerli sakinlərə istinadən xəbər yayıb.
Məlumata görə, hazırda şirin su Neftçala rayonunun Bankə qəsəbəsinə çatıb. Çayın Xəzər dənizinə qovuşmağına isə 20 kilometr qalıb.
Bununla yanaşı, Şirvanda da çayın suyu 1 metrə yaxın qalxıb.
Daha öncə, martın 5-də Kür çayının Salyan rayonundan keçən bəzi hissələri qurumuşdur. Çayın quruması isə rayon ərazisində su böhranı yaratmışdı. Martın 16-dan çayın qurumuş hissəsində suyun səviyyəsi qalxaraq 20-25 santimetrə qədər artmışdı. Kürün səviyyəsinin qalxmasının əsas səbəbi Mingəçevir su anbarıdır.
