Kürdəmirdə ölümlə nəticələnən ağır yol-nəqliyyat hadisəsi baş verib. Bu barədə 26 dekabr tarixində Report məlumat verib.
Hadisə Bakı-Qazax əsas magistral yolunun rayonun Çöhranlı kəndindən keçən hissəsində qeydə alınıb.
Belə ki, Balakən rayon sakini, 31 yaşlı Qınçıyev Rəvan Ramazan oğlunun idarə etdiyi içi müxtəlif meyvələrlə dolu "Ford" markalı avtomobil Kürdəmir istiqamətində hərəkətdə ikən qarşıda hərəkətdə olan Tovuz rayon sakini Cəfərov Akifin idarə etdiyi mişar daşı ilə dolu "KamAZ" markalı yük maşının qoşqusuna çarpılıb.
Hadisə nəticəsində "Ford"un sürücüsü R.Qınçıyev və sərnişini, Balakən rayon sakini Elvin Oktay oğlu Kərimov müxtəlif dərəcəli ağır xəsarətlər alıblar.
Yaralılar xəstəxanaya çatdırılıblar. E.Kərimov xəstəxanada dünyasını dəyişib.
[gallery columns="1" link="file" size="full" ids="99314"]
