Bu gün Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” QSC-nin əməkdaşları Xankəndi ilə Şuşa arasındakı ərazidə Rusiya sülhməramlı qüvvələrinin nəzarət məntəqəsinə gediblər. Bu barədə İnsanoid Oxu.az-a istinadən bu gün, 3 dekabr tarixində məlumat verir.
Məlumata görə, Azərbaycan tərəfi Xankəndiyə gedən yolu bağlamayıb.
Bu səfərin həmin yolun bağlanması ilə əlaqəsi yoxdur. Azərbaycan tərəfi yolu bağlamaq istəsə idi, orada mülki geyimli şəxslər yox, hərbçilər olardı.
Həmçinin əlavə olunub ki, yolu Azərbaycanın Qarabağ bölgəsində müvəqqəti yerləşdirilmiş Rusiya sülhməramlıları bağlayıblar.
Sülhməramlıların Xankəndidəki qərargahında apardığı danışıqlar Azərbaycan tərəfinin istədiyi nəticəni verib.
“Xankəndidəki Ekologiya və Təbii Sərvətlər Nazirliyi və “AzərGold”un mütəxəssisləri monitorinqin aparılması ilə bağlı növbəti təşkilati məsələləri həll edirlər. Danışıqlar zamanı, təbii olaraq, Laçın dəhlizində formalaşmış tıxac da aradan qalxıb”, - deyə qeyd olunub.
