Azərbaycan Prezidenti İlham Əliyev qadın və yetkinlik yaşına çatmayan məhkumlar üçün Bakıda yeni inşa olunmuş müasir penitensiar müəssisələrdə yaradılan şəraitlə tanış olub. Bu barədə martın 29-da dövlət başçısının mətbuat xidməti məlumat verib.
Məhkumların asudə vaxtlarını səmərəli keçirmələri məqsədilə idman sahələri, təhsil və peşə ixtisaslarına yiyələnmələri üçün lazımi infrastruktur yaradılıb. Burada kitabxana, oxu zalı və kompüter otağı vardır.
Tibb-sanitariya hissəsində həkim otaqları, müayinə-diaqnostika və stomatologiya kabinetləri, laboratoriya, aptek, pediatr otağı və digər yardımçı otaqlar yerləşir. Yeni penitensiar müəssisədə məhkumlarla görüşlər üçün də bina inşa olunub.
Müəssisələrin ərazisində inşa olunmuş məktəb binasında sinif otaqları ilə yanaşı, əmək və kompüter otaqları, həmçinin idman zalları yerləşir.
Bakının Zabrat qəsəbəsində yeni istintaq təcridxanası, Naxçıvan Muxtar Respublikasında və Şəkidə müasir penitensiar komplekslər inşa olunub. Gəncə və Lənkəran şəhərlərində, habelə paytaxtın Umbakı qəsəbəsində belə müəssisələrin tikintisi aparılır.
Bu vaxtadək Prezident İlham Əliyevin və vitse-prezident Mehriban Əliyevanın imzaladığı 39 amnistiya aktl ilə 46 mindən çox məhkum bağışlanıb. Zəfər Günü münasibətilə elan edilmiş amnistiya aktı 15 mindən çox şəxsə şamil edilib.
[URIS id=39285]
