Saatlıda mağazadan oğurluq edən şəxs saxlanılıb. Bu barədə noyabrın 22-də Report xəbər yayıb.
Belə ki, rayon ərazisində yerləşən mağazaların birinə müştəri qismində bir nəfər daxil olub.O, soyğunçuluq yolu ilə 150 manat pulu ələ keçirərək qaçıb.
Cinayət əməlini törədən rayon sakini, əvvəllər dəfələrlə məhkum olunmuş Tarıyel Fətullayev saxlanılıb. Saxlanılan zaman onun üzərindən psixotrop maddə olan metamfetamin də aşkarlanaraq götürülüb.
Faktla bağlı cinayət işi açılıb. Saxlanılan şəxs barəsində həbs qətimkan tədbiri seçilib.
