Mart ayının ikinci ongünlüyü ərzində ölkə ərazisində yağıntıların normadan çox olması nəticəsində Kür və digər çaylarda sululuq artıb. Bunu APA-ya açıqlamasnda Milli Hidrometeorologiya Xidmətinin Hidrologiya Mərkəzinin direktoru Asif Verdiyev deyib.
Kürün həcmi martın əvvəli ilə müqayisədə xeyli çoxalıb. Yevlaxda 22, Zərdabda 82, Surrada 123, Şirvanda 108, Salyanda 118, Bankədə 37 santimetr artıb.
Eyni zamanda, çayda suyun həcmi, Surra məntəqəsində martın əvvəli saniyədə 22 kubmetr təşkil edirdisə, hazırda 100-115 kubmetr arasında dəyişir.
A. Verdiyevin sözlərinə görə, Kürdə suyun daha da artacağı gözlənilir.
